Hæglætisveður verður í dag og úrkomulítið sunnan- og suðvestanlands, annars nokkuð hvöss austlæg átt og slydda eða snjókoma, en rigning austanlands.

Norðaustan strekkingur norðvestantil í dag, mun hægari vindur um landið sunnan- og austanvert. Lítilsháttar rigning eða slydda fyrir norðan, en bjart með köflum syðra. Hiti 0 til 8 stig, hlýjast sunnantil.

Á höfuðborgarsvæðinu verður suðaustan 5-8 og smáskúrir í fyrstu, samkvæmt upplýsingum Veðurstofunnar, síðan hægari og þurrt. Norðaustan 3-8 m/s í kvöld. Hiti 2 til 7 stig.

Á morgun, miðvikudag, verður norðaustanátt, víða 8-13 m/s. Slydda eða rigning norðaustantil og snjókoma í innsveitum, en úrkomulítið annars staðar. Hiti 0 til 7 stig, en í kringum frostmark fyrir norðan. 

Klukkan þrjú í nótt var stíf austanátt og víða rigning, slydda eða snjókoma, en hægviðri og skúrir SV-lands. , en slydda eða snjókoma fyrir norðan. Hiti frá 9 stigum á nokkrum stöðvum sunnanlands, niður í 2 stiga frost í Torfum.

Um 400 km vestsuðvestur af Reykjanesi er 987 mb lægð sem þokast vestur, en yfir Norðaustur-Grænlandi er heldur minnkandi 1025 mb hæð. Við suðausturströndina er 993 mb smálægð sem hreyfist hægt norðaustur.