Rúmlega 10 þúsund kusu utankjörfunda

Alls kusu 10.087 utankjörfunda en atkvæðagreiðslu utan kjörfundar vegna stjórnlagaþingskosninga er lokið. Að sögn Bergþóru Sigmundsdóttur, kjörstjóra, er þetta heldur meiri kjörsókn en í þjóðaratkvæðagreiðslunni fyrr á árinu. Enn á eftir að skrá einhver aðsend atkvæði en þau eru ekki mörg.

Alls kusu 7.003 utan kjörfunda í Reykjavík en kjörstöðum var lokað klukkan tólf á hádegi. Atkvæðagreiðslu er hins vegar nýlokið þar sem langar biðraðir mynduðust í Laugardalshöllinni í morgun þar sem atkvæðagreiðslan fór fram í Reykjavík.

Kjörstaðir eru almennt opnir frá kl. 9 árdegis til kl. 22 að kvöldi, en þó hafa einstaka kjörstjórnir ákveðið, eins og þeim er heimilt, að byrja síðar og/eða hætta fyrr.
 

• 3 blogg um fréttina

Bloggað um fréttina

• S i g u r ð u r S i g u r ð a r s o n: Þeir tala blítt þessir frambjóðendur
• Ómar Ragnarsson: Frb. 9365: Hefði þurft að vera rýmra.
• Jón Pétur Líndal: #6791 Kynlíf frambjóðanda til stjórnlagaþings - er svona framboð í …