Bæði Jóhanna Sigurðardóttir, forsætisráðherra, og Steingrímur J. Sigfússon, fjármálaráðherra, segist telja að þau úrræði, sem nú hafa verið kynnt vegna skuldavanda heimilanna, séu sanngjörn.

Jóhanna sagði, að fyrst og fremst væri horft til þeirra, sem séu í mjög miklum vanda og beint sé sérstökum aðgerðum að þeim hópi. Síðan væru aðgerðir í þágu þeirra, sem eru með yfirveðsettar eignir þar væru settar ákveðnar girðingar vegna þeirra, sem hefðu skuldsett sig langt umfram greiðslugetu og eiga ef til vill fleiri en eina eign.

Þá væri mikilvæg hin almenna aðgerð, vaxtaniðurgreiðsla sem nái til um 60 þúsund heimila af þeim 72 þúsund heimilum, sem eru með íbúðaskuldir. „Það eru tímabundnar almennar aðgerðir sem eru innan þeirra marka sem við getum gert til að tryggja áframhaldandi stöðugleika og setja ekki ríkissjóð og fjármálakerfið á höfuðið," sagði Jóhanna. 

Steingrímur J. Sigfússon, fjármálaráðherra, sagði að um væri að ræða blandaða leið þar sem annars vegar væri tekið á vanda þeirra sem væru verst settir, sem væri að stærstum hluta fólk sem keypti íbúðir rétt fyrir hrun. Með vaxtaniðurgreiðslunni væru byrðarnar síðan léttar með almennari hætti. 

„Ég held að það sé verið að ganga eins langt og menn telja sig geta gert," sagði Steingrímur. 

Fram kemur í viljayfirlýsingunni, sem skrifað var undir í dag, að aðilar séu sammála um að með þessum aðgerðum sé með viðhlítandi hætti og eins og fært sé, brugðist við skuldavanda heimilanna. Mikilvægt sé að úrvinnslu verði nú hraðað og ekki séu efni til að vænta frekari aðgerða.

„Ég held að við höfum staðið frammi fyrir því allt of lengi, að fólk er að bíða eftir því að það komi fleiri aðgerðir til viðbótar við þær 50 aðgerðir sem hafa verið settar fram á undanförnu tæpu tveimur árum og ég held að allir séu sammála um að þetta sé lokaátakið í því efni," sagði Jóhanna. 

Á hinn bóginn eru sértækar aðgerðir sem taka sérstaklega á vanda þeirra sem eru yfirveðsettir, m.a. vegna þess að fall hefur orðið á fasteignamarkaði. Blanda,

Er þetta lokapunkturinn. Í lífinu eru engir lokapunkar. Erum að reyuna að ná niður fjármagnskostnað. Mjög mikilvægt að þeir sem eru í viðskiptum við banka og lánakerifð líitð svo á að búið sé að setja strik undir þessa vinnu og menn eiga a