Búist er við hvassviðri eða stormi syðst á landinu með morgninum. Austan og norðaustan  10-18 m/s vindur verður syðst á landinu í dag, annars 5-13 m/s en breytileg átt 3-8 m/s norðaustanlands. Skýjað og dálítil él eða slydduél syðra.

Hvessir með sunnantil með morgninum, allhvass vindur, jafnvel stormur við ströndina og snjókoma eða slydda. Lægir heldur síðdegis. Mun hægari vindur og úrkomulítið á norðanverðu landinu. Hiti 0 til 5 stig syðst, annars 0 til 8 stiga frost.

Klukkan þrjú í nótt var austlæg átt, víða 5-13 m/s, en austan 10-15 sunnanlands. Skýjað með köflum, og slydduél á stöku stað syðst annars úrkomulaust. Frost var um nær allt land, mest 13 stig á Végeirsstöðum en mildast var 3 stiga hiti á Skrauthólum og í Surtsey.Austan 5-10 og stöku él. Vægt frost. Austan 8-15 og él í dag. Hiti kringum frostmark.

Um 350 km suður af Reykjanesi er 1013 mb lægð sem hreyfist norðvestur en skammt suður af landinu er 1012 mb lægð sem fer hratt norðvestur og dýpkar. Yfir Grænlandi er 1039 mb hæð.

Á morgun, laugardag, jóladag, verður austan 8-15 m/s og snjókoma sunnan- og suðaustanlands, en annars bjart veður. Gengur í austan 15-20 með slyddu eða rigningu sunnanlands síðdegis, en mun hægari og þurrt fyrir norðan. Hvassviðri á öllu landinu um kvöldið með talsverðri rigningu sunnanlands, en snjókomu norðantil. Hlánar sunnanlands, en minnkandi frost norðantil.