Inga Þórsdóttir

Inga Þórsdóttir prófessor fékk í dag heiðursverðlaun vegna rannsókna á sviði næringarfræði úr Verðlaunasjóði Ásu Guðmundsdóttur Wright.

Verðlaunin hlaut Inga fyrir framúrskarandi árangur í rannsóknum á sviði næringarfræði sem haft hafa áhrif á fræðslu og forvarnir meðal fjölmargra þjóðfélagshópa. Sigrún Ása Sturludóttir, M.Sc., veitti verðlaunin við hátíðlega athöfn í Þjóðminjasafninu  í dag.

Rannsóknir Ingu á síðustu árum hafa aðallega verið á sviði næringar ungbarna og skólabarna auk næringar aldraðra og sjúkra, sérstaklega nægra próteina í fæðu aldraðra. Einnig hefur hún rannsakað barnshafandi konur, sérstaklega með tilliti til fisks og lýsisneyslu og áhrifa mismunandi þyngdaraukningar á meðgöngu, og grænmetis, ávaxta og fiskneyslu ungra Íslendinga og heilsubætandi framleiðslu úr mjólk og fiskmeti.

 Rannsóknir  Ingu leiddu til að  í framhaldi var farið í vöruþróun og þróuð Stoðmjólk af Mjólkursamsölunni fyrir atbeina heilbrigðisyfirvalda. Stoðmjólk er járnbætt mjólk sem löguð er að næringarþörf barna frá 6 mánaða til 2ja ára aldurs og tekur hún við þegar brjóstagjöf líkur.