Ástþór færður til skýrslutöku

Lögreglan á höfuðborgarsvæðinu handtók Ástþór Magnússon um hádegisbil í dag fyrir utan verslun Byko í Kópavogi og færði hann til yfirheyrslu. Hann hafði ekki sinnt boðum lögreglu um að mæta í skýrslutöku.

Ástþór greinir sjálfur frá því á bloggsíðu sinni að hann hafi verið boðaður í skýrslutöku hjá lögreglunni þann 30. desember, en að hann hafi ekki mætt.

Snýst málið um kæru Hreins Loftssonar, eiganda útgáfufélagsins Birtíngs, á hendur Ástþóri, sem er sagður halda úti vefsíðunni sorprit.com. Er hann sakaður um ærumeiðingar.

Ástþóri hefur verið sleppt.

• 4 blogg um fréttina

Bloggað um fréttina

• Þorsteinn H. Gunnarsson: Fjölmæli
• Bogi Jónsson: Hvernig væri nú að fara að hlusta á Ástþór?
• Jón Pétur Líndal: Eru fjölmiðlar á móti tjáningarfrelsi ef það beinist gegn þeim …
• Sverrir Stormsker: Jólasveinninn dreginn til yfirheyrslu