Ein líkamsárás var kærð til lögreglunnar í Vestmannaeyjum um helgina en þar var um að ræða karlmann sem sló konu í andlitið þannig að það brotnaði upp úr tönn og fylling í annarri tönn losnaði. Hafði konan, sem varð fyrir högginu, reynt að stilla til friðar með þessum afleiðingum.

Þetta kemur fram í dagbók lögreglunnar í Vestmannaeyjum, sem er birt á vef eyjafretta.is.

Einn maður fékk að gista fangageymslur lögreglu í síðustu viku en um var að ræða karlmann sem gerði sér það að leik að hanga í landfestum Álseyjar VE og kom sjálfum sér þannig í talsverða hættu. Lögreglan segir, að vegna ástands hans hafi ekki annað verið fært en að vista manninn í fangageymslu þar til víman rann af honum.

Tvö eignaspjöll voru kærð til lögreglu í vikunni sem leið. Í öðru tilvikinu var um að ræða skemmdir á hliðarspegli bifreiðar sem stóð við Kirkjuveg 17 aðfaranótt gamlársdags. Ekki er vitað hver eða hverjir þarna voru að verki og eru þeir sem einhverjar upplýsingar hafa beðnir að hafa samband við lögreglu. 

Í hinu tilvikinu var um að ræða skemmdir á listaverki á skemmtistaðnum Volcano og er vitað hver þar var að verki.   Einn þjófnaður var tilkynntur til lögreglunnar í vikunni en um var að ræða þjófnað á myndavél sem stolið var inni á kvennasalerni Hallarinnar aðfaranótt 9. janúar sl. Ekki er vitað hver tók myndavélina og eru þeir sem geta gefið upplýsingar um þjófinn eru beðnir um að hafa samband við lögreglu.   Einn fékk að gista fangageymslur lögreglu í vikunni en um var að ræða karlmann sem gerði sér það að leik að hanga í landfestum Álseyjar VE og kom sjálfum sér þannig í talsverða hættu. Sökum ástands hans var ekki annað fært en að vista hann í fangageymslu þar til víman rann af honum.   Tveir árekstrar urðu í vikunni, báðir á gatnamótum Heiðarvegar og Kirkjuvegar. Að morgni 7. janúar rákust þar saman tveir bílar og skemmdust bílarnir nokkuð en engin slys urðu á fólki. Annar árekstur varð laust eftir hádegi daginn eftir. Engan sakaði en bílarnir skemmdust nokkuð.