Frumvarp sem kveður á um stöðu íslensks táknmál verður lagt fram á Alþingi. mbl.is/Árni Sæberg

Á fundi ríkisstjórnarinnar í dag var samþykkt að mennta- og menningarmálaráðherra leggi fram frumvarp á Alþingi um stöðu  íslenskrar tungu og íslensks táknmáls.

Verður frumvarpið í framhaldi lagt fyrir þingflokka ríkisstjórnarflokkanna til umfjöllunar og taka þeir ákvörðun um hvort málið verður lagt fram á Alþingi.

Markmið frumvarpsins er að festa í lög stöðu íslenskrar tungu, mæla fyrir um varðveislu hennar, þróun og nothæfni og aðgengi manna.

Jafnframt gerir frumvarpið ráð fyrir að íslenskt táknmál verði viðurkennt í lögum sem fyrsta mál þess hluta heyrnarlausra, heyrnarskertra og daufblindra og afkomenda þeirra sem reiða sig á það til tjáningar og samskipta. Er lagt til að íslenska ríkið hlúi að íslenska táknmálinu og styðji.