Íslensk kona dæmd í Perú

Jóna Sveinsdóttir, tæplega fertug fimm barna móðir, sem handtekin var með tvö kíló af kókaíni í fórum sínum fyrir tæpu ári á Jorge Chavez flugvellinum í Lima, höfuðborg Perú, var dæmd í sex og hálfs árs fangelsi fyrir tveimur vikum. Vonir standa til þess að Jóna þurfi ekki að afplána nema tvö og hálft ár. Þetta kom fram í kvöldfréttum Stöðvar 2.

Jóna, sem setið hefur í gæsluvarðhaldi síðan hún var handtekin, afplánar í alræmdu kvennafangelsi í Lima. Börn hennar eru í umsjá vina og vandamanna. Jóna á að hafa farið í smyglferðir af þessu tagi áður og þegið 800 þúsund krónur fyrir hverja ferð en að hennar sögn voru þær skipulagðar af norskum vini.

• 1 blogg um fréttina

Bloggað um fréttina

• Atli Víðir Arason: Óheppin að hafa ekki verið á Íslandi