Ómar Óskarsson

Skráð atvinnuleysi í janúar var 8,5% en að meðaltali 13.458 manns voru atvinnulausir í janúar og eykst atvinnuleysi um 0,5 prósentur frá desember 2010, eða um 713 manns að meðaltali.

Mest fjölgaði atvinnulausum hlutfallslega á Norðurlandi vestra en þar fjölgaði um 23 manns á atvinnuleysisskrá að meðaltali. Atvinnuleysið er 9% á höfuðborgarsvæðinu en 7,6% á landsbyggðinni. Mest er það á Suðurnesjum 14,3 %, en minnst á Norðurlandi vestra 3,8%. Atvinnuleysið er 9,1% meðal karla og 7,7% meðal kvenna.

Fjöldi þeirra sem hafa verið atvinnulausir lengur en 6 mánuði var 7205 í lok janúar og fækkaði um 16 frá lokum desember og er um 49% þeirra sem eru á atvinnuleysisskrá í lok janúar. Þeim sem verið hafa atvinnulausir í meira en eitt ár fjölgaði úr 4.696 í lok desember í 4794 í lok janúar.

Í febrúar 2010 var atvinnuleysi 9,3% og jókst úr 9% í janúar 2010. Vinnumálastofnun áætlar að atvinnuleysið í febrúar 2011 aukist og verði á bilinu 8,6 %‐8,9 %.

Skýrsla Vinnumálastofnunar