Fjöldi fólks safnaist saman við Ráðhús Reykjavíkur síðdegis en Samtök foreldrafélaga leikskóla hvöttu foreldra leikskólabarna til að koma þangað nú síðdegis og sýna samstöðu gegn frekari niðurskurði í leikskólum borgarinnar.

Fjöldi barna var á pöllum Ráðhússins, en foreldrar voru hvattir til að sækja börn sín klukkan hálf fjögur, svo leikskólastarfsfólk kæmist á fundinn.

Að sögn blaðamanns mbl.is, sem var á staðnum, tala margir um þá óvissu, sem ríkir í þessum málum vegna fyrirhugaðs niðurskurðar og sameiningu skóla.  

Leikskólakennarar og foreldrar voru bjartsýnir á að samstaða þeirra hefði skilað árangri, en mikil óánægja ríkir meðal þeirra vegna þess hversu lítið samstarf var haft við þá.

Heyra mátti, á foreldrum sem voru í Ráðhúsinu í dag, að  þeir væru hræddir um að niðurskurðaraðgerðir myndu bitna á faglegu starfi leikskólanna og á gæðum matarins sem börnin fá í leikskólanum.