Menntaskólinn Hraðbraut mbl.is/Ómar Óskarsson

Menntamálaráðuneytið hefur ákveðið að endurnýja ekki samstarf við Menntaskólann Hraðbraut. Ráðuneytið hefur náð samkomulagi við forsvarsmenn skólans um að nemendur sem hófu nám sl. haust verði gert kleift að ljúka námi sínu við skólann á vorönn 2012.

Í fréttatilkynningu frá mennta- og menningarmálaráðuneytið segir að ráðuneytið hafi nú lokið endurskoðun á samstarfi sínu við Menntaskólann Hraðbraut og telji ekki forsendur fyrir endurnýjun á þjónustusamningi við skólann. „Þessi niðurstaða byggir einkum á skýrslu Ríkisendurskoðunar um framkvæmd þjónustusamnings við Hraðbraut, áliti menntamálanefndar Alþingis og viðræðum sem ráðuneytið hefur átt í við forsvarsmenn skólans.“

Mennta- og og menningarmálaráðuneytið hefur náð samkomulagi við forsvarsmenn Menntaskólans Hraðbrautar um að nemendum, sem hófu nám sl. haust, verði gert kleift að ljúka námi sínu við skólann á vorönn 2012. Byggir þetta samkomulag á ströngum skilyrðum sem eiga sér stoð í fyrrgreindum álitsgerðum Ríkisendurskoðunar og menntamálanefndar Alþingis. Engin röskun verður því á stöðu nemenda sem nú stunda nám við skólann vegna þessa.

Uppgjör vegna ofgreiddra fjárframlaga mennta- og menningarmálaráðuneytis til Menntaskólans Hraðbrautar mun fara fram við lok gildistíma núgildandi þjónustusamnings þann 31. júlí næstkomandi.