Þráinn: Þingmenn lesi 11. grein stjórnarskrárinnar

Þráinn Bertelsson, þingmaður Vinstri grænna, bað í dag þingmenn til að lesa af mikilli alvöru stjórnarskrána, og einkum og sér í lagi í því ástandi sem nú væri uppi, 11. grein stjórnarskrárinnar.

Þráinn sagði í umræðu um störf þingsins á Alþingi í dag, að engar reglur væru til um þjóðaratkvæðagreiðslur svo Íslendingar væru að paufast í myrkrinu frá því það kom upp úr dúrnum, að forseti Íslands, sem nú situr, teldi það vera embættisskyldu sína að pipra og salta löggjöf þingsins með þjóðaratkvæðagreiðslum með mismunandi rökum hverju sinni. Þannig skapaði forsetinn pólitíska óvissu í landinu.

Sigurður Kári Kristjánsson, þingmaður Sjálfstæðisflokksins, sagðist vilja benda þeim þingmönnum, sem ekki hefðu lesið 11. grein stjórnarskrárinnar, að Þráinn hefði með þessari ábendingu verið að gera því skóna að þingið ætti að víkja núverandi forseta lýðveldisins frá. „Ég ætla ekki að taka undir þá skoðun hans," sagði Sigurður Kári. 

11. grein stjórnarskrárinnar er svohljóðandi:

• Forseti lýðveldisins er ábyrgðarlaus á stjórnarathöfnum. Svo er og um þá, er störfum hans gegna.
• Forseti verður ekki sóttur til refsingar, nema með samþykki Alþingis.
• Forseti verður leystur frá embætti, áður en kjörtíma hans er lokið, ef það er samþykkt með meiri hluta atkvæða við þjóðaratkvæðagreiðslu, sem til er stofnað að kröfu Alþingis, enda hafi hún hlotið fylgi ³/4 hluta þingmanna. Þjóðaratkvæðagreiðslan skal þá fara fram innan tveggja mánaða, frá því að krafan um hana var samþykkt á Alþingi, og gegnir forseti eigi störfum, frá því að Alþingi gerir samþykkt sína, þar til er úrslit þjóðaratkvæðagreiðslunnar eru kunn.
  
• Nú hlýtur krafa Alþingis eigi samþykki við þjóðaratkvæðagreiðsluna, og skal þá Alþingi þegar í stað rofið og efnt til nýrra kosninga.
  

• 11 blogg um fréttina

Bloggað um fréttina

• Jón Ingi Cæsarsson: Forsetinn las þjóðina kolrangt.
• Valdimar Samúelsson: Ég hef nú ekki endilega litið á Þráinn sem sérfræðing …
• Sigurður Hrellir: Dagur #3
• Páll Þorsteinsson: Forsetinn og almenningur lesi 24.grein stjórnarskrárinnar
• Gísli Foster Hjartarson: Er menn alveg að missa sig?
• Kristján H Theódórsson: Það yrði alveg dásamlegt....
• Björn Birgisson: Vald þingsins og 11. greinin til umræðu
• Kristinn Karl Brynjarsson: Gleymdi Þráinn að hugsa eða reikna?
• Páll Vilhjálmsson: Ríkisstjórnin heggur til forsetans
• Hjörleifur Harðarson: bíddu nú við þora þeir ekki gegn forsetanum
• Guðmundur Frímann Þorsteinsson: Afsögn