Grunnskólakennarar leggja áherslu á launakröfur sínar. Júlíus Sigurjónsson

Frá 2006 hefur kaupmáttur félagsmanna í ASÍ sem starfa á almennum vinnumarkaði lækkað um 5,9%. Kaupmáttur félagsmanna í BHM hefur á sama tíma lækkað um liðlega 7% og 7,4% hjá félögum í BSRB sem starfa hjá sveitarfélögum.

Þetta eru niðurstaða vinnuhóps sem aðilar vinnumarkaðarins settu á laggirnar vegna vinnu við gerð nýrra kjarasamninga. Niðurstöðurnar byggja m.a. á tölum frá Hagstofu Íslands.

Fyrir síðastliðin áramót var á vettvangi  samningsaðila umræða um þróun kaupmáttar launa og áhrif aðgerða, sem ríki og sveitarfélög höfðu ráðist í eða höfðu á prjónunum, á afkomu fólks og fyrirtækja. Í samráði við forystumenn  stærstu samtaka launþega og vinnuveitenda beitti ríkissáttasemjari sér fyrir að skoðuð yrðu þrjú atriði sem máli skipta fyrir gerð kjarasamninga. Leitað var til samtakanna um sérþekkingu  auk þess sem Hagstofan og fjármálaráðuneytið lögðu til tölulegar upplýsingar og aðstoð.

Tölurnar sýna að kaupmáttur jókst á árinu 2007 hjá öllum hópum, en lækkaði í kjölfar hrunsins. Kaupmáttur félagsmanna í ASÍ hækkaði á síðasta ári sérstaklega hjá þeim sem ekki starfa hjá því opinbera. Þess bera að geta að kaupmáttur lækkaði mest allra hjá ASÍ-félögum á árunum 2008 og 2009. Í árslok 2009 hafði kaupmátturinn þessa hóps lækkað um nærri 10%.

Kaupmáttur hjá opinberum starfsmönnum hefur hins vegar lækkað jafnt og þétt frá hruni og virðist enn vera að lækka.

Kaupmáttur kennara í grunnskólum hefur lækkað um 1,8% frá 2006, en kaupmáttur kennara í framhaldsskólum hefur lækkað um 8,4%.

Niðurstaða vinnuhópsins