Byrjað er að moka Siglufjarðarveg sem hefur verið lokaður vegna snjóflóða. Að sögn Vegagerðarinnar er nokkur ofankoma á Norðurlandi og hálka, hálkublettir eða snjóþekja víðast hvar.
Víða er hálka eða hálkublettir á Suðurlandi, jafnvel þæfingur á einstaka útvegum.
Hálkublettir, hálka eða snjóþekja eru á flestum vegum á Vesturlandi og Vestfjörðum. Verið er að opna norður í Árneshrepp.
Á Austurlandi eru víða hálkublettir þótt vegir séu almennt auðir. Á Suðausturlandi eru sumstaðar hálkublettir en öllu meiri hálka vestan Kirkjubæjarklausturs.