Stefnt að lækkun skatta
Setja bókamerki
Jóhanna Sigurðardóttir forsætisráðherra sagði á Alþingi í dag að unnið væri að tillögum sem miðuðu að lækkun skatta á einstaklinga með breytingum á persónuafslætti.
Ólöf Nordal, varaformaður Sjálfstæðisflokksins, gagnrýndi í umræðunum að ríkisstjórnin áformaði að hækka skatta á einstaklinga. Jóhanna sagði þetta mikinn misskilning. Ríkisstjórnin hefði ekki kynnt nein áform í þessa veru. „Það er þvert á móti er verið að vinna að því kjarasamningunum að lækka skattana í gegnum persónuafslátt einstaklinga.“
Jóhanna mótmælti einnig fullyrðingum stjórnarandstöðunnar um að ríkisstjórnin áformaði að grípa til þjóðnýtingar í orkuiðnaði vegna fjárfestinga Magma í HS-orku. „Hér er stanslaust verið segja að ríkisstjórnin sé með yfirlýsingar um þjóðnýtingu. Þetta er ekki rétt. Það hefur enginn sagt að beita eigi því úrræði þó að það sé til í lögum. Það er verið að vinna eftir allt öðrum leiðum,“ sagði Jóhanna, en útskýrði ekki hvaða áform ríkisstjórnin hefði uppi varðandi kaup Magma á HS-orku.
„Okkur miðar í rétta átt“
Shakespeare fannst í skókassa
„Á réttri leið en nokkuð í land ennþá“
„Það þarf að vinna mikinn fjölda upp“
Kostnaður meiri en milljón á fermetra
Handteknir eftir myndatöku í Vesturbæjarlaug
Eyjafjarðarbraut lokað vegna alvarlegs umferðarslyss
„Umsátursástand“