Gera raunveruleikaþátt um róðrarkappa

Tökulið frá Cooked in Africa films fylgir nú ævintýramönnunum Riann Manser og Dan Skinstad, sem réru nýverið frá Húsavík á tvöföldum kajak. Markmið þeirra er að sigla í kringum Ísland.

Cooked in Africa hyggst framleiða raunveruleikaþátt í 13 hlutum um ævintýri þeirra, sem nefnist Around Iceland on Inspiration.

Gert er ráð fyrir að ferðin taki um fjóra mánuði en þetta er í fyrsta sinn sem gerð er tilraun til hringróðurs um Ísland á þessum árstíma. Heildarvegalengdin er um 4.800 km.

Manser varð fyrstur til að hjóla hringinn í kringum Afríku en það ferðalag tók hann tvö ár. Manser varð einnig fyrstur til að róa einsamall á kajak í kringum Madagaskar, fjórðu stærstu eyju heims, og tók róðurinn um ellefu mánuði.

Félagi Mansers, Dan Skinstad, er með milda hreyfilömum og skerta hreyfigetu.

• 1 blogg um fréttina

Bloggað um fréttina

• Sævar Helgason: Á kajak umhverfis Ísland síðvetrar