Gríðarlegt þroskamerki í umræðunni
Setja bókamerki
Ólafur Ragnar Grímsson, forseti Íslands, sagði að sér hefði þótt þjóðfélagsumræðan í aðdraganda þjóðaratkvæðagreiðslunnar um Icesave-lögin efnisríkari, málefnalegri og víðtækari en hann hefði séð áður.
„Auðvitað féllu stór orð og mönnum var heitt í hamsi. En aldrei fyrr hefur jafnmikill fjöldi venjulegs fólks (...) komið fram á völlinn og skrifað alveg frábærar greinar," sagði Ólafur Ragnar.
Hann sagði að hingað til hefði slík umræða einskorðast við þá sem væru í pólitískri forustu í landinu. En umræðan nú sýndi gríðarlegt þroskamerki meðan þjóðarinnar og hún hefði dregið fram á völlinn stóran hóp af fólki, sem hefði haft mikil áhrif á umræðuna og skapað ný viðmið fyrir þá sem starfa á vettvangi stjórnmálanna.
Ólafur Ragnar vildi á blaðamannafundinum ekki upplýsa hvernig hann kaus í atkvæðagreiðslunni í gær.
Kostnaður meiri en milljón á fermetra
Skar höfuðleðrið af íslenskri konu
„Það þarf að vinna mikinn fjölda upp“
Eyjafjarðarbraut lokað vegna alvarlegs umferðarslyss
Sex hafa greinst með listeríu
Tveir í bílnum sem lenti utan vegar
Æskuvinur Íslendings myrtur í Noregi