Skíðasvæði opin í dag

Skíðasvæði verða opin víða um land í dag. Þannig verður skíðasvæðið í Bláfjöllum opið frá 10-17 en gott veður er á svæðinum nánast enginn vindur og rúmlega 4 stiga frost.

Rúta fer frá Olís í Mjódd kl. 12:40 og kemur við í Olís Norðlingaholti á leiðinni uppeftir. Frá Bláfjöllum fer rútan klukkan 17.

Í Hlíðarfjalli við Akureyri verður opið frá 10-16 í dag. Að sögn umsjónarmanna svæðisins er nægur snjór í brekkunum. 

Skíðasvæðið í Oddsskarði á Austulandi verður opið frá kl. 10 til 16. Þar voru í morgun 10 metrar á sekúndu, 3 stiga frost og léttskýjað. Vindur á að ganga niður þegar lýður á daginn.

Skíðasvæðið í Skarðsdal í Siglufirði er opið í dag frá kl 10-16. Í morgun var 3-9 m/sek, 1 stigs frost og heiðskírt.

• Blogga um frétt