Framsókn bætir við sig fylgi

Vinstrihreyfingin - grænt framboð tapar fylgi samkvæmt nýjum þjóðarpúlsi Capacent á fylgi stjórnmálaflokkanna og mælist nú með 15% fylgi. Flokkurinn hefur ekki mælst með jafnlítið fylgi síðan í júlí 2007. Hinn stjórnarflokkurinn, Samfylkingin, nýtur stuðnings 21% kjósenda og minnkar fylgið um 1%. Ríkissjónvarpið greindi frá könnuninni.

Fylgi Sjálfstæðisflokksins stendur í stað frá síðustu könnun Capacent og er 36%. Fylgi Framsóknarflokksins eykst hins vegar og er nú 16%, hækkar um rúm tvö prósent frá síðustu könnun, og hefur ekki verið meira síðan í nóvember 2009. Fylgi Hreyfingarinnar er óbreytt frá síðustu könnun eða 5%. Ríkisstjórnin nýtur 34% fylgis og minnkar stuðningurinn við hana um tæpt prósent.

• 5 blogg um fréttina

Bloggað um fréttina

• Páll Vilhjálmsson: Framsókn að verða staðfestuflokkur
• Sigurður Þorsteinsson: Verðskulduð fylgisaukning Framsóknar
• Gunnar Rögnvaldsson: Framsókn vinnur á. Þýskur risabanki ákærður fyrir svindl í bandarískum …
• Ómar Geirsson: Ríkisstjórnin nýtur sama fylgis
• Guðrún María Óskarsdóttir.: Framsóknarflokkurinn stendur vörð um hagsmuni þjóðarinnar.