Veggjöld gætu skilað tveimur milljörðum

Heildartekjur ríkisins af hugsanlegum vegtollum á Suðurlandsvegi, Vesturlandsvegi og Reykjanesbraut gætu numið einum og hálfum til tveimur milljörðum króna á ári.

Þetta kemur fram í svari Ögmundar Jónassonar, innanríkisráðherra, við fyrirspurn Sigurðar Inga Jóhannssonar þingmanns á Alþingi í gær.

Í svarinu kemur fram að ekkert hafi verið ákveðið um upphæð veggjalda, sem séu háð ýmsum þáttum, en þetta gæti verið gróft viðmið út frá dæmum sem reiknuð hafa verið.