Fremur hæg austlæg eða breytileg átt í dag, en austan 8-15 allra syðst síðdegis. Skýjað að mestu og sums staðar þokumóða. Léttir heldur til norðan- og vestanlands þegar líður á daginn, en fer að rigna sunnantil í nótt.

Hiti verður yfirleitt 8 til 13 stig að deginum, en mun svalara við sjávarsíðuna norðan- og austan til.

Á höfuðborgarsvæðinu verður hægviðri og skýjað, en fremur hæg austlæg átt um hádegi og skýjað með köflum. Hiti 7 til 12 stig að deginum.

Langt suður í hafi er hægfara 992 mb lægð, en um 300 km norðaustur af Langanesi er 1027 mb hæð, sem mjakast austur.

Á morgun, föstudag, verður austan 8-15 m/s syðst, en annars hægari. Skýjað með köflum og yfirleitt þurrt, en dálítil rigning eða súld sunnan og suðaustantil. Hiti 5 til 16 stig, hlýjast vestanlands. 

Klukkan þrjú í nótt var fremur hæg austlæg eða breytileg átt á landinu, en heldur hvassara við suður- og austurströndina. Skýjað víðast hvar, en sums staðar lítilsháttar súld eða þokumóða. Hiti var 1 til 7 stig, mildast í Straumsvík og á Garðskagavita.

Í Reykjavík var 5,4°C hiti, 3,7° í Bolungarvík, 3,6° á  Akureyri, 1,0° á Raufarhöfn, 1,5° á Egilsstaðaflugvelli og 5,1° í Vestmannaeyjum.