Arion banki býður íbúðalán

Viðskiptavinum Arion banka bjóðast ný íbúðalán frá og með mánudeginum.

Fram kemur í tilkynningu frá bankanum, að um sé að ræða verðtryggð íbúðalán. Annars vegar lán sem nema allt að 60% veðhlutfalli fasteignar, bera 4,30% fasta vexti og eru til 25 eða 40 ára. Hins vegar viðbótarlán sem nema frá 60% til 80% veðhlutfalli fasteignar, bera 5,40% fasta vexti og eru til allt að 25 ára.

Til samanburðar bera lán Íbúðalánasjóðs, án uppgreiðsluheimildar, 4,40% ársvexti. 

Til að eiga kost á láni þurfa viðskiptavinir að standast greiðslumat bankans.

Höskuldur H. Ólafsson, bankastjóri Arion banka, segir í tilkynningu, að með þessu fyrirkomulagi sé skuldsetningu lántaka sett skynsamleg mörk, en vextir lánanna séu hagstæðir. Með þessu sé Arion banki að svara kalli viðskiptavina um fjölbreyttari fjármögnunarkosti.

• 6 blogg um fréttina

Bloggað um fréttina

• Ólafur Ingi Hrólfsson: Varúð varúð
• Reynir W Lord: HVER vill eiga viðskipti við þennan banka spyr ég....
• Pálmi Hamilton Lord: allir sem einn - NEI TAKK
• Davíð Þ. Löve: Íbúðarlán frá banka?????
• Katrín G E: Hvað með verðtrygginguna ?
• Sigurður Haraldsson: Aftur til fortíðar!