mbl.is/GSH

Hæstiréttur hefur staðfest úrskurð Héraðsdóms Reykjavíkur um að kona, sem hefur sent óviðkomandi manni á aðra milljón króna, verði svipt fjárræði í eitt ár.

Fram kemur í úrskurði héraðsdóms, að einu tekjur konunnar séu örorkubætur. Framkom að konan hefur sent nokkuð á aðra milljón króna til einhvers eða einhverra í útlöndum. Konan segi, að viðtakandinn sé auðmaður, sem hafi ratað í tímabundin vandkvæði og hann væri nú kominn hingað til lands og þau tekið upp sambúð. 

Dómurinn segir, að þessi maður hafi ekki fengist fyrir dóm, þrátt fyrir boðun sem konan tók við á heimili sínu fyrir hans hönd.  Systir konunnar bar fyrir dómi, að umræddur maður hefði ekki komið hingað til lands en konan muni vera í tölvusambandi við hann. 

Þá kemur fram að konan hefur þurft að taka dýr smálán til þess að lifa á og sé komin í mikil vanskil.  Þar á meðal sé lán sem hvíli á íbúð hennar.