Yfir 5000 óvátryggð ökutæki

Yfir fimm þúsund óvátryggð ökutæki eru í umferð hér á landi. Nýtt úrræði í frumvarpi efnahags- og viðskiptaráðherra um ökutækjatryggingar á að tryggja fækkun slíkra ökutækja, öllum greiðendum iðgjalda til bóta.

Verði frumvarpið óbreytt að lögum hefur Umferðarstofa heimild til að krefjast nauðungarsölu ökutækis eða að það sé selt til niðurrifs ef eigandi eða umráðamaður greiðir ekki iðgjald vátrygginga í vanskilum einum mánuði eftir að það er kyrrsett.