Herjólfur í Landeyjahöfn. Rax / Ragnar Axelsson

Eygló Harðardóttir, þingmaður Framsóknarflokksins, í Suðurkjördæmi, tók málefni starfsmanna Vestmannaeyjaferjunni Herjólfs til umfjöllunar í fyrirspurnaríma á Alþingi í dag og sagði að Eimskip virtist reka sérkennilega starfsmannastefnu í Vestmannaeyjum. 

Fram hefur komið að tveimur konum í afgreiðslu Herjólfs í Vestmannaeyjum hefur verið sagt upp störfum. Segir Eimskip að þær hafi ekki viljað taka þátt í breytingum á vaktafyrirkomulagi. Fyrr í vetur var þremur þernum á skipinu sagt upp þegar þær samþykktu ekki breytingar á vinnufyrirkomulagi.

Eygló sagði, að þessar konur virtust  ekki hafa brugðist nógu hratt við hugmyndum um breytt vaktafyrirkomulag og það hefði kostað þær vinnuna. Hún spurði Guðbjart Hannesson, velferðarráðherra, hvort hann teldi ekki ástæðu til að fullgilda samþykkt Alþjóðavinnumálastofnunar um að að málefnalegir og rekstarlegir þættir verði að liggja að baki uppsögnum en erfitt væri að sjá að þessar uppsagnir uppfylltu þau skilyrði.

Guðbjartur sagði, að mjög miklu máli skipti, að fyrirtæki hefðu starfsmannastefnu þar sem byggt sé á málefnalegum ástæðum þegar verið er að endurskipuleggja rekstur.