Bílarnir eru af ýmsum stærðum og gerðum. mbl.is/Ómar Óskarsson

Bílaáhugamenn fá eitthvað við sitt hæfi ef þeir koma við í Fífunni í Kópavogi um helgina, en þar fer fram fyrsta stóra bílasýningin á Íslandi sem haldinn er síðan 1984.

Sýningin nefnist „Allt á hjólum“ en það er Bílgreinasambandið sem gengst fyrir henni.  Auk nýjustu fólksbíla verða til sýnis ferðabílar, hjólhýsi, mótorhjól, fjórhjól og rafhjól sem og ýmiskonar varningur og þjónusta sem tengist bílum og farartækjum, rekstri þeirra og úthaldi.  

Sýningarsvæðið er  rúmlega 4.000 fm og sýnendur eru flest bílaumboð landsins ásamt fyrirtækjum sem bjóða upp á bílatengdar vörur og þjónustu.

Bílasýningar á vegum Bílgreinasambandsins voru algengar á árunum í kringum 1970-1980, en síðasta bílasýningin var haldin 1984. Ásamt því að geta komið og skoðað það nýjasta á markaðnum geta sýningargestir fengið sér hressingu og veitingar og tveir risa-stórir hoppkastalar verða fyrir börnin.

Sýningin stendur til kl. 18.00 og frá kl. 11.00 til kl. 16.00 á morgun, sunnudag. Ókeypis aðgangur er að sýningunni.

Ungir og aldnir hafa gaman að því að skoða sýninguna. mbl.is/Ómar Óskarsson