Hjólreiðamennirnir þrír sem þyrla Landhelgisgæslunnar sótti í dag á Fjórðungssandi vestan við Þjórsá eru komnir til byggða með þyrlunni heilir á húfi.
Um var að ræða þrjá erlenda ferðamenn; tvo karlmenn og eina konu. Samkvæmt upplýsingum frá Landhelgisgæslunni virtist ekkert ama að fólkinu. Ástæða útkallsins mun að líkindum hafa verið erfið færð en svæðið er mjög erfitt yfirferðar.