Mun skjóta máli til Mannréttindadómstóls
Geir H. Haarde tekur á móti fólki á stuðningsfundi í Hörpu í dag.
mbl.is/Kristinn
Setja bókamerki
Geir H. Haarde, fyrrverandi forsætisráðherra, sagði í Kastljósi Sjónvarpsins í kvöld, að tapi hann landsdómsmálinu svonefnda á einhverjum þeim forsendum, sem hann væri ekki sáttur við, þá verði málinu skotið til Mannréttindadómstóls Evrópu.
Þóra Arnórsdóttir, fréttamaður Kastljóss, spurði Geir hvernig hann myndi bregðast við yrði hann sýknaður.
„Ég veit ekkert um hvað þar gæti komið til greina. En maður gæti þá um frjálst höfuð strokið og hagað lífi sínu öðruvísi. Ég hef þurft að einbeita mér að þessu máli býsna lengi, alveg frá því að þetta nefndarstarf á vegum þingsins hófst," sagði Geir.
Hann sagðist hafa átt von á því að þingmannanefndin myndi rannsaka málið og kalla hann og fleiri fyrir nefndina en það hefði ekki gerst.
Banna mengandi búnað sem leyfður er á Íslandi
Árshátíð ríkislögreglustjóra haldin í Tékklandi
Skiptir miklu meira máli en fólk grunar
Æskuvinur Íslendings myrtur í Noregi
Kostnaður meiri en milljón á fermetra
„Það þarf að vinna mikinn fjölda upp“
Tveir í bílnum sem lenti utan vegar
Skemmtiferðaskip hætt komið nærri Viðey