Sigmundur Davíð Gunnlaugsson. Ernir Eyjólfsson

Sigmundur Davíð Gunnlaugsson, formaður Framsóknarflokksins, sagði í eldhúsdagsumræðum á Alþingi í kvöld, að ef tækifærin í efnahagsmálum væru nýtt í stað þess að auka á óvissuna væri öðruvísi um að litast á Íslandi.

„Ef við hverfum frá blöndu af sósíalisma og blindri trú á aðeins eina leið út úr vandanum eru tækifærin væru óþrjótandi. Við þurfum að taka skuldavandann  föstum tökum og reka ríkið með aðhaldssömu heimilisbókhaldi.  Losa þarf hið mikla fjármagn, sem nota má til fjárfestingar og draga úr pólitískri óvissu með stjórnvöldum sem veita skýra framtíðarsýn," sagði Sigmundur Davíð.

Hann gagnrýndi ríkisstjórnina harðlega og sagði hana m.a. vilja taka upp austurþýsku leiðina í gjaldeyrismálum:

„Höft sem gera hversdagslega hluti glæpsamlega. Eða hvað kalla menn það þegar flutt er frumvarp þar sem fólk getur átt yfir höfði sér allt að 2 ára fangelsi fyrir að gleyma að skila þeim gjaldeyri, sem ekki var eytt í utanlandsferðinni eða sturtað niður í klósettið í flugvélinni á leiðinni heim svona til öryggis," sagði Sigmundur Davíð.