34,6%landsmanna eru haminjgusamir og 53,4 landsmanna lifir batnandi lífi. mbl/Ómar Óskarsson

54,3% landsmanna metur líf sitt vera að batna, 42,6% metur líf sitt í basli og 3,1% metur líf sitt í þrengingum. 34,6% landsmanna eru hamingjusamir en 9,7% upplifa litla hamingju. 88,9% landsmanna eru hraust á meðan 11,1% eru veik.  Tölur þessar miðast  við 12.júní síðastliðinn. 

Upplýsingar eru byggðar á spurningum sem lagðar eru fyrir í netkönnun hjá Viðhorfahópi Gallup þar sem um 400 manns eru spurðir í hverri viku og niðurstöður byggja á rúllandi 2 vikna meðaltali. sem  

Mælikvarði andlegrar líðanar samanstendur af 6 spurningum þar sem fólk er beðið um að lýsa líðan sinni dagsins áður en spurt var. Í flokknum „mikil hamingja/litlar áhyggjur“ eru þeir sem upplifðu gleði og/eða hamingju en ekki áhyggjur, depurð, reiði og/eða streitu daginn áður. Í flokknum „lítil hamingja/miklar áhyggjur“ eru hins vegar þeir sem upplifðu áhyggjur, depurð, reiði og/eða streitu daginn áður.

Þegar veikindi voru metin var fólk spurt um líðan daginn áður. „veikir“ eru þeir sem voru veikir vegna hausverkjar, flensu eða kvefs. „Hraustir“eru hins vegar þeir sem upplifðu ekkert þeirra einkenna.

Mælikvarði lífsmats byggir á svörum við tveimur spurningum Cantril Lífsánægjustigans. Fólk er beðið um að ímynda sér stiga með þrepum sem eru númeruð frá 0 neðst í stiganum, sem lýsi versta mögulega lífi og upp í 10 efst í stiganum sem lýsir besta mögulega lífi. Í flokkinn „Dafna“ eru þeir sem sjá sig fyrir sér í 7. þrepi eða ofar og áætla að eftir 5 ár muni þeir muni standa í þrepi 8 eða ofar. Í flokknum „Í þrengingum“ eru þeir sem núna sjá sig fyrir sér í þrepum 0 til 4 á Cantril Lífsánægjustiganum og búast við að vera í þrepum 0 til 4 eftir 5 ár. Þeir sem hvorki „Dafna“ né eru „Í þrengingum“ eru sagðir vera „Í basli“.

Upplýsingar eru unnar af Datamarket fyrir Capacent Gallup.