Kort sem sýnir göngugöturnar í miðborginni.

Göngugötum verður fjölgað í miðborg Reykjavíkur. Að sögn borgaryfirvalda verður miðborgin þannig efld til muna með enn frekari  áherslu á mannlíf og iðandi stemmningu. Austurstræti hefur nú verið breytt í göngugötu að Pósthússtræti.

Pósthússtræti verður lokað fyrir bílaumferð frá og með morgundeginum 24. júní til 31. ágúst frá klukkan 11 - 8 daginn eftir, á virkum dögum og um helgar.

Bílastæði fyrir hreyfihamlaða verður komið fyrir á mótum Pósthússtrætis og Hafnarstrætis að vestanverðu þar sem stæðið við Austurstræti fellur út.
 

Hafnarstræti á milli Aðalstrætis og Naustarinnar er í hönnunarferli og verður lokað frá þeim degi sem framkvæmdir hefjast.

Hafnarstræti austan við Pósthússtræti var lokað við Pósthússtrætið þann 17. júní sl. og verður gatan lokuð til 31. ágúst með mögulegri aðkomu bíla frá Tryggvagötu. Bílastæði á þessum kafla verða óheimil.