Erfitt ástand er víða í sveitum vegna kulda og kals, einkum norðanlands og austan.
Í umfjöllun um þetta í Morgunblaðinu í dag segir Haraldur Benediktsson, formaður Bændasamtakanna, tíðarfarið óvenjulegt og teygja sig suður í Borgarfjörð.
„Það herðir að en annars eru bændur mjög magnaðir í því að bregðast við í svona árferði. Þetta er óvenjulegt en þetta er ekki óþekkt. Svo framarlega sem við fáum ekki snjókomu aftur,“ segir Haraldur.