„Maður myndi aldrei vilja upplifa þetta aftur, það var gjörsamlega vonlaust að fá upplýsingar um hver næstu skref yrðu. Þarna er um alvarlegt gap í starfseminni að ræða.“

Þetta segir Hrafn Gunnlaugsson, kvikmyndaleikstjóri og farþegi um borð í flugvél á vegum Iceland Express sem fara átti frá Charles De Gaulle-flugvellinum í París til Íslands á föstudaginn, í umfjöllun um mál þetta í Morgunblaðinu í dag.

Hrafn segir aðstæðurnar sem boðið var upp á hafa verið hræðilegar fyrir barnafólk. „Þarna voru grænlensk hjón með nýfætt barn,“ segir Hrafn og bætir við að hann hafi kennt verulega í brjósti um þau. Að sögn Hrafns var öllu fólkinu „troðið“ inn á hótel rétt undir miðnætti á föstudag, um sextíu manns. „Fólki var troðið í fimm til sex manna hópum inn á tveggja til þriggja manna herbergi,“ segir Hrafn sem sjálfur telur sig hafa verið heppinn en hann fékk herbergi fyrir sig og sex ára son sinn þar sem hann mætti snemma.

Tengdar fréttir

Iceland Express

Holidays Czech Airlines skoðar næstu skref

• Fara yfir kostnað vegna gjalda
• Var kyrrsett í níu daga
• Farþegar verða ekki fyrir röskunum
• Framtíð starfsfólks óráðin

» Fleiri tengdar fréttir