Frá borgarstjórnarfundi. Ernir Eyjólfsson

Borgarráðsfulltrúar Sjálfstæðisflokks og Vinstri grænna lögðu á fundi borgarráðs fram ósk allra borgarfulltrúa minnihlutans um að haldinn verði aukafundur í borgarstjór, ekki síðar en 10. ágúst, til að afgreiða þriggja ára áætlun um rekstur, framkvæmdir og fjármál sveitarfélagsins.

Segja borgaráðsfulltrúarnir,. að samkvæmt lögum hefði borgarstjóri átt að leggja þá áætlun fram um miðjan febrúar eða fyrir fimm mánuðum.

Á þeim tíma hafi ástæða tafanna verið skýrð með flutningi á málefnum fatlaðra yfir til sveitarfélagsins og kjarasamninga en borgarstjórn hafi hins vegar aldrei verið upplýst um það að til stæði að draga þetta fram yfir sumarleyfi og fram á haust eins og nú komi fram í svari til borgarráðs.  

„Minnihlutinn í borgarstjórn getur ekki borið neina ábyrgð á þessum vinnubrögðum meirihlutans og þar sem það er hlutverk allrar borgarstjórnar að tryggja að lögbundnum verkefnum sé lokið fara borgarfulltrúar Sjálfstæðisflokks og Vinstri grænna fram á að án tafar sé lögð vinna í að ljúka þessari lögbundnu áætlun og hún lögð fyrir aukafund borgarstjórnar sem haldinn yrði eigi síðar en 10. ágúst nk," segir m.a. í tillögu minnihlutans.