Búast má við snörpum vindhviðum við fjöll sunnan- og vestanlands seinnipart dags og fram yfir miðnætti, að sögn Veðurstofu Íslands. Vaxandi suðaustanátt verður með morgninum, 8-13 m/s nærri hádegi og fer að rigna, en hægari og bjart fyrir norðan og austan.

Vind herðir er á daginn líður og verður 13-18 m/s, á Suður- og Vesturlandi undir kvöld með snörpum vindhviðum við fjöll. Áfram heldur hægari vindur á norðaustanverðu landinu og úrkomulítið. Hiti 12 til 17 stig, en allt að 23 stigum norðaustantil yfir hádaginn.

Á höfuð borgarsvæðinu verður vaxandi suðaustanátt með morgninum, 8-13 m/s upp úr hádegi og rigning, en 10-15 undir kvöld. Hiti 10 til 15 stig.

Um 400 km suðaustur af Hvarfi er vaxandi 989 mb lægð á norðausturleið, en 350 km austur af Dalatanga er 1018 mb hæð sem hreyfist lítið.

Á morgun, miðvikudag, er útlit fyrir sunnanátt, 5-10 m/s, með vætu, en bjart að mestu norðanlands. Hiti 13 til 22 stig, hlýjast á Norðausturlandi. 

Klukkan þrjú í nótt var hægviðri, skýjað að mestu og sums staðar lítilsháttar væta norðaustan- og austanlands. Hiti 8 til 13 stig.