Vel hefur gengið að leggja Suðurstrandarveg. mbl.is/RAX

„Framkvæmdir við Suðurstrandarveg ganga vel og eru á áætlun,“ segir G. Pétur Matthíasson, upplýsingafulltrúi Vegagerðarinnar, en framkvæmdum á að ljúka þar strax á næsta ári eða 15. september 2012.

Suðurverk hf. og KNH ehf. vinna að verkefninu, en KNH vinnur að eystri kaflanum sem á að vera tilbúinn um miðjan september næstkomandi. Að sögn Sigurðar Óskarssonar, framkvæmdastjóra KNH ehf., eiga þeir sáralítið eftir, einungis frágang, og munu klára þann hluta á áætlun.

Suðurorka hf. sér svo um vestari hlutann, sem byrjar hjá Ísólfsskála, sem er um tíu kílómetra í austur frá Grindavík á Krýsuvíkurleið, en Suðurorka á svo að skila veginum fullfrágengnum.

Í Morgunblaðinu í dag segir, að til standi að klæða um þriggja til fimm kílómetra kafla frá Ísólfsskála nú strax síðari hluta ágústmánaðar og hleypa umferð um veginn strax að því loknu.