Á Landspítalanum í gær fengu fjórar mæður og tvær ömmur hjartveikra barna fyrstu glossin afhent. Ljósmynd/Jón Svavarsson

Árlega greinast um 70 börn á Íslandi með hjartagalla. Í dag hófst átakið „Á allra vörum“ til styrktar þessum börnum og aðstandendum þeirra, en safnað er m.a. fyrir nýju hjartatæki á Barnaspítala Hringsins.

Veruleg vöntun er á nýju hjartatæki fyrir börn enda er tækið sem fyrir er orðið 14 ára gamalt. Mikið álag er á tækið, en í því er hægt er að greina börn frá 18 vikna í móðurkviði til 18 ára aldurs. Með endurnýjuðu tæki má bæði spara peninga og bjarga mannslífum.

Söfnunarátakið hefst með sölu á hinum landsþekktu „Á allra vörum“-varaglossum frá Dior. Tveir nýir litir verða í boði og fást þeir hjá viðurkenndum Dior-snyrtivöruverslunum um land allt. Einnig verður hægt að panta gloss hjá Neistanum, Síðumúla 6,

Átakinu lýkur svo með landssöfnun 26. ágúst í beinni útsendingu á Skjá eEinum. Maríanna Friðjónsdóttir stýrir henni ásamt íslenska landsliðinu úr kvikmynda- og fjölmiðlageiranum - sem gefur vinnu sína 100%, líkt og undanfarin ár.