Innlent | Morgunblaðið | 13.8.2011 | 5:30 | Uppfært 6:43

Ráða ekki við húsaleiguna

Allir þurfa húsnæði. mbl.is/RAX

Húsaleiga á höfuðborgarsvæðinu hefur hækkað jafnt og þétt á árinu og er nú svo komið að margir hafa ekki orðið ráð á leigunni.

Herdís Brynjarsdóttir, starfsmaður hjá leigumiðluninni Leigulistanum, segir nýja stöðu komna upp á leigumarkaðnum. Margir hafi ekki lengur efni á að leigja húsnæði af þeirri stærð og í þeim borgarhluta sem þeir óski sér.

„Leigan virðist komin langt yfir afborganir húsnæðislána,“ segir Herdís og nefnir sem dæmi að fjögurra herbergja, 80 fermetra íbúð í 101 Reykjavík sé nú auglýst á 180.000 kr. á mánuði, alls 2,16 milljónir kr. á ári.

Rebekka Sigurðardóttir, upplýsingafulltrúi hjá Félagsstofnun stúdenta, tekur undir að húsaleiga sé orðin mörgum of þungur baggi. Guðmundur Magnússon, formaður Öryrkjabandalags Íslands, tekur í sama streng og kveðst aldrei hafa séð jafnerfiðan markað.