Málefnastaða stjórnarinnar styrkist
Setja bókamerki
Björn Valur Gíslason, þingmaður VG, segir á vefsíðu sinni, að yfirlýsingar Guðmundar Steingrímssonar í kjölfar úrsagnar hans úr Framsóknarflokknum muni styrkja málefnastöðu ríkisstjórnarinnar á Alþingi.
„Guðmundur segist ekki vilja sjá ríkisstjórn sjálfstæðisflokks og framsóknar komast aftur til valda. Hann segist vilja sjá ESB umsóknina leidda til lykta og þjóðin ráði síðan örlögum sínum um það mál í þjóðaratkvæðagreiðslu. Guðmundur telur nauðsynlegt ráðast í endurskipulag í rekstri ríkisins og stofnunum þess og hann segist munu styðja ríkisstjórnina til allra góðra verka hér eftir sem hingað til. Svo fátt eitt sé nefnt," segir Björn Valur.
Hann bætir við, að Guðmundur hafi ekki gengið til liðs við ríkisstjórnina og stjórnin standi óbreytt áfram sem og þinglið hennar.
„En málefnastaða hennar hefur styrkst og það er líklegra en áður að hún nái meginmarkmiðum sínum í gegn en áður," segir Björn Valur.
Myndskeið: Segjast hafa skotið niður sprengjuflugvél
Hyggjast leyfa fólki að skoða gosið
Hæstiréttur staðfestir vanhæfi alls Landsréttar
Spursmál: Fyrsta stóra viðtal Katrínar
29 nautgripir fundust dauðir
Segjast ekki vera á kaldri slóð
Ísraelar hefna árásarinnar
Gerir ráð fyrir 150 samningum í næstu viku