Um 20 skjálftar yfir 2 stig
Setja bókamerki
Um tuttugu skjálftar voru stærri en tvö sig og þar af nokkrir stærri en þrjú stig í Mýrdalsjökli í nótt. Er þetta snarpasta hrinan í Mýrdalsjökli frá því virkni tók að aukast í jöklinum í sumar, samkvæmt upplýsingum frá Veðurstofu Íslands.
Upp úr klukkan 2:50 hófst snörp skjálftahrina í Mýrdalsjökli og rúmri klukkustund síðar varð önnur heldur minni og þriðja hrinan en minni fylgdi fljótlega í kjölfarið. Eftir það hafa stakir skjálftar mælst en tíðni þeirra hefur minkað verulega. Skjálftahrinurnar voru í norð-austanverðri Kötluöskjunni rétt sunnan við Austmannsbungu.
Enginn órói fylgdi þessum hrinum. Aukin virkni hefur verið í Mýrdalsjökli undanfarna mánuði en þetta er snarpasta hrinan hingað til. Ekki eru vísbendingar um að meiri virkni fylgi í kjölfarið að svo stöddu en vel verður fylgst með virkni í Mýrdalsjökli í framhaldinu, samkvæmt upplýsingum frá jarðskjálftasviði Veðurstofunnar.
„Það er skiljanlegt að þolinmæði þeirra sé lítil“
„Þögnin er ærandi“
Innviðir þandir og álagið „gríðarlegt“
Myndskeið: Braut rúðurnar og rölti svo í burtu
Kvikan virðist nú skiptast til helminga
Benda á Samgöngustofu sem bendir út í heim
Stóraukið fé til samgöngusáttmála
Hjón sluppu með skrekkinn