„Þá vitum það! Þjóðin vill óbreytt flokkakerfi og gömlu valdaflokkana við stjórn,“ segir Lilja Mósesdóttir alþingismaður á Facebook-síðu sinni í dag í tilefni af nýjasta þjóðarpúlsi Gallup um fylgi stjórnmálaflokkanna.
Þar kom meðal annars fram að Sjálfstæðisflokkurinn mælist enn stærsti flokkur landsins með 36% fylgi og Framsóknarflokkurinn með 16%. Samfylkingin mælist með 22% og Vinstrihreyfingin - grænt framboð með 15%. Hreyfingin fær hins vegar 3% samkvæmt könnuninni.
„Ég sem hélt að fólkið í landinu vildi breytingar eftir allt sem á undan er gengið eins og vinavæðingu, brotin kosningaloforð, sérhagsmunapólitík, foringjaræði, einelti.....,“ segir Lilja.
Facebook-síða Lilju Mósesdóttur