Gunnar Gaukur Magnússon, hjá VesturVerki. Af vef Bæjarins Besta

Tengikostnaður við að tengja orku úr fyrirhugaðri Hvalárvirkjun inn á flutningskerfi Landsnet mun nema um þrem milljörðum króna en hár tengikostnaður er helsta vandamálið við byggingu hennar að sögn Gunnars Gauks Magnússonar hjá VesturvVerki sem vinnur að fjármögnun undirbúningsvinnu með fjármálafyrirtækinu GAMMA.

Í viðtali við Bæjarins Besta segir Gunnar m.a. „Núna er þetta þannig að það mega engir aðrir reka orkuflutningsfyrirtæki sambærilegu Landsneti. Þetta var einkavætt 2006 og þá lögðu RARIK, Landsvirkjun og Orkubú Vestfjarða línurnar sínar inn sem hlutafé. Á þeim tíma var reyndar ekki tekið tillit til þess þess í hvaða ástandi línurnar voru og að víða á landinu er raforkukerfið algerlega í lamasessi, sérstaklega á Norðausturlandi og Vestfjörðum. Nú þegar við ætlum að reisa virkjun verðum við að borga sjálfir fyrir línuna inn á landsneti"

Gunnar segir kostnaðinn við virkjunina það mikinn að hún beri ekki þriggja milljarða tengikostnað. Núna sé helsta markmiðið að finna kaupanda sem næst orkuverkinu. Þá geti þeir sjálfir lagt þær línur sem þarf, í mesta lagi nokkra tugi kílómetra.

Sjá nánar um fyrirhugaða Hvalárvirkjun á vef BB.