Innlent | mbl | 19.10.2011 | 9:01 | Uppfært 19.12.2011 21:23

10.700 án atvinnu

Vinnumálastofnun mbl.is/Ómar Óskarsson

Á þriðja ársfjórðungi voru að meðaltali 10.700 manns án vinnu og í atvinnuleit eða 5,9% vinnuaflsins. Atvinnuleysi mældist 5,6% hjá körlum og 6,2% hjá konum. Frá þriðja ársfjórðungi 2010 til annars ársfjórðungs 2011 fækkaði atvinnulausum um 1.000 manns.

Þegar litið er til aldurs var atvinnuleysi mest meðal fólks á aldrinum 16–24 ára eða 9,5%. Hjá hópnum 24–54 ára var atvinnuleysi 5,1% og 5% hjá 55–74 ára. Á þriðja ársfjórðungi 2011 var atvinnuleysi 7% á höfuðborgarsvæðinu en 3,7% utan þess, segir á vef Hagstofu Íslands.

Langtímaatvinnulausum fjölgar

Af þeim sem voru atvinnulausir á þriðja ársfjórðungi 2011 voru að jafnaði 1.600 manns búnir að vera atvinnulausir í 1–2 mánuði eða 14,9% atvinnulausra. Til samanburðar höfðu 2.000 manns verið atvinnulausir í 1–2 mánuði á þriðja ársfjórðungi 2010 eða 16,8% atvinnulausra. Þeir sem hafa verið atvinnulausir í 12 mánuði eða lengur eru skilgreindir sem langtímaatvinnulausir. Á þriðja ársfjórðungi 2011 höfðu um 3.100 manns verið atvinnulausir svo lengi eða 29,1% atvinnulausra. Á þriðja ársfjórðungi 2010 voru þeir sem höfðu verið atvinnulausir ár eða lengur um 2.700 manns eða 23,1% atvinnulausra. Langtíma-atvinnulausum hefur hins vegar fækkað þegar litið er til þróunar innan ársins 2011.

Á þriðja ársfjórðungi 2011 voru 0,9% af þeim sem voru á vinnumarkaði atvinnulausir í 1–2 mánuði en 1,1% á þriðja ársfjórðungi 2010. Langtímaatvinnulausir voru 1,7% vinnuaflsins á þriðja ársfjórðungi 2011 samanborið við 1,5% sama tíma árið 2010.

Fjöldi starfandi á þriðja ársfjórðungi 2011 var 171.800 manns og fjölgar um 1.600 frá sama tíma ári áður. Á vinnumarkaði voru alls 182.500 manns sem jafngildir 81% atvinnuþátttöku. Atvinnuþátttaka karla var 84,4% en kvenna 77,6%. Til þeirra sem eru á vinnumarkaði teljast bæði þeir sem eru starfandi og atvinnulausir. Fólk telst vera starfandi ef það hefur unnið eina klukkustund eða meira í viðmiðunarviku könnunar eða verið fjarverandi frá starfi sem það gegnir að öllu jöfnu.

Á þriðja ársfjórðungi 2010 voru alls 181.900 á vinnumarkaði og atvinnuþátttaka mældist þá 81,4%. Atvinnuþátttaka karla var þá 84,1% og kvenna 78,6%.

Innlent »

Tæplega helmingur ók of hratt

11:31 Tæplega helmingur ökumanna sem fór um Suðurgötu í Reykjavík á einni klukkustund eftir hádegið í gær ók of hratt eða yfir afskiptahraða. Á meðan lögregla vaktaði götuna fóru 122 ökutæki akstursleiðina og 48% þeirra voru á of mikilli ferð. Meira

Umgekkst vændiskonur í opinberum ferðum

11:14 Eitt bréfanna, sem Jón Baldvin Hannibalsson sendi ungri systurdóttur eiginkonu sinnar, var sent frá Tallin í Eistlandi árið 2001. Þá var hann þar staddur í opinberum erindagjörðum sem heiðursræðumaður á hátíðarsamkomu, sem var skipulögð af upplýsingaskrifstofu Norræna ráðherraráðsins þar í landi. Hann lýsir þar samskiptum sínum við vændiskonur. Meira

Vatnsleki vegna ræktunar

11:05 Lögregla höfuðborgarsvæðisins stöðvaði kannabisræktun í íbúð fjölbýlishúss í miðborg Reykjavíkur í fyrradag. Tilkynnt var um mikinn vatnsleka í húsinu og var slökkviliðið kallað á vettvang, en lekann mátti rekja til ræktunarinnar. Karlmaður á þrítugsaldri var yfirheyrður vegna málsins. Meira

„Ég er komin með nóg“

11:03 „Ég er komin með nóg. Reglulega kemur upp hjá mér reiði, sorg eða biturð yfir þessu máli og nú langar mig að koma því frá mér,“ segir Guðrún Harðardóttir, sem í viðtali í Nýju lífi segir frá bréfum sem eiginmaður móðursystur hennar, Jón Baldvin Hannibalsson, sendi henni er hún var unglingur. Meira

Perlan góður kostur fyrir safn

10:51 Katrín Jakobsdóttir, mennta- og menningamálaráðherra, sagði á Alþingi í dag, að hún hefði rætt það óformlega við stjórnarmenn Orkuveitu Reykjavíkur að Perlan yrði nýtt undir Náttúruminjasafn Íslands, verði ekki af sölu hennar. Hún segir Perluna áhugaverðan kost fyrir safn af því tagi. Meira

Allt að 25% verðmunur

11:03 Bónus var oftast með lægsta verðið þegar verðlagseftirlit ASÍ kannaði verð í 3 lágvöruverðverslunum og 4 stórmörkuðum á höfuðborgarsvæðinu og Ísafirði 20. febrúar. Verslanirnar Kostur og Víðir neituðu að taka þátt í könnuninni. Hæsta verðið var oftast að finna hjá Samkaupum-Úrvali eða í um helmingi tilvika.　 Meira

„Pawel virðist eitthvað misskilja ferlið“

10:58 Þór Saari, þingmaður Hreyfingarinnar skrifar á Facebook að Pawel Bartozsek sem sat í stjórnlagaráði og hefur gagnrýnt meðferð þingsins á tillögum þess, virðist eitthvað misskilja ferlið við breytingar á stjórnarskránni. Þór skorar á Pawel að halda áfram að vinna með stjórnlagaráði. Meira

Með kannabisgræðlinga í bíl

10:46 Lögreglan á höfuðborgarsvæðinu leitaði í húsi manns eftir að á fjórða tug kannabisgræðlinga fundust í bíl hans í fyrradag. Við húsleitina fundust um 900 grömm af tilbúnu maríjúana og um 1,4 kg af öðrum kannabisefnum. Maðurinn hefur áður komist í kast við lögin. Meira

Rammaáætlunin tilbúin á næstu dögum

Jóhanna Sigurðardóttir, forsætisráðherra.

10:44 Fram kom í máli Jóhönnu Sigurðardóttur, forsætisráðherra, á Alþingi í dag að gert væri ráð fyrir því að rammaáætlun um vernd og orkunýtingu náttúrusvæða yrði tilbúin á næstu dögum. Meira

Bað hana um að leyna bréfunum

10:31 Jón Baldvin bað systurdóttur eiginkonu sinnar um að leyna bréfum sem hann sendi henni næstu áratugina. Ríkissaksóknari komst að þeirri niðurstöðu að ekki væri um samfellda háttsemi að ræða og því væru hin meintu eða ætluðu brot vegna bréfanna frá 1998, fyrnd. Meira

Efla þarf rannsóknir á höfunum

10:34 Nauðsynlegt er að efla rannsóknir á höfunum og auðlindum þeirra, sagði Ólafur Ragnar Grímsson, forseti Íslands í setningarræðu á heimsþingi um höfin í morgun sem haldið er í Singapúr. Hann rakti einnig reynslu Íslendinga af veiðum á grundvelli vísindalegra vísinda og þróun samstarfs á Norðurslóðum. Meira

Málið var kært, en fellt niður

10:09 Samkvæmt umfjöllun nýjasta tölublaðs Nýs lífs reyndi Jón Baldvin Hannibalsson að kyssa systurdóttur eiginkonu sinnar þegar hún var á unglingsaldri, hann fór inn í herbergi hennar að næturlagi og snerti hana „óþarflega mikið“. Hann sendi henni bréf, þar sem hann lýsti kynlífi sínu og samskiptum við vændiskonur. Málið var kært, en látið falla niður. Meira

Óvíst um fordæmisgildi

09:54 Hugsanlegt er að fordæmisgildi nýfallins gengislánadóms sé ekki það mikið. Þetta kom fram í máli Sigurjóns Högnasonar, lögfræðings, á morgunverðarfundi KPMG í morgun, þar sem farið var yfir dóminn með hliðsjón af fordæmisgildi hans. Er þá litið til þess að þar sé efni dómsins um það afmarkað efni. Meira

Undir áhrifum á ótryggðum bíl

09:42 Laust eftir miðnætti stöðvaði lögreglan bifreið á Bústaðavegi. Ökumaður var grunaður um fíkniefnaakstur, bifreiðin var ótryggð og ökumaður án ökuskírteinis. Skráningarnúmer bílsins voru fjarlægð og ökumaður færður á næstu lögreglustöð. Meira

Ný stjórn Röskvu

09:35 Ný stjórn Röskvu var kjörin á aðalfundi Röskvu, samtaka félagshyggjufólks við Háskóla Íslands, í gær. Iðunn Garðarsdóttir, íslenskunemi var kjörin formaður og Erla Karlsdóttir. sálfræðinemi er varaformaður stjórnar. Meira

Farþegum með Norrænu fækkaði

09:51 Nákvæmlega jafn margir komu með Norrænu til Seyðisfjarðar á síðasta ári og fóru með henni, 14.029, samkvæmt upplýsingum úr svari innanríkisráðherra við fyrispurn þingmanns Framsóknarflokks. Farþegum fækkaði töluvert frá árinu 2010. Meira

Ólafur Ingi: Fagstétt útrýmt?

09:39 „Nú hátt í sex árum eftir að varnarliðið fór af landi brott er Isavia ohf. með góðri aðstoð yfirvalda að takast að útrýma fagstétt sem á sér talsvert langa sögu og nefnist flugvallarslökkvilið", segir Ólafur Ingi Tómasson í grein í Mbl. í dag. Meira

Innkalla rjómasprautu

Rjómasprautan er af gerðinni Excellent Houseware.

09:30 Aðföng hafa innkallað Excellent Houseware 1 lítra rjómasprautu þar sem í ljós hefur komið að hún getur verið hættuleg neytendum, segir í tilkynningu. Meira