Á leið úr landi með mikið magn þýfis

Tollgæslan og lögreglan á Seyðisfirði fundu mikið magn ætlaðs þýfis í tveimur bílum við brottför Norrænu í vikunni. Ítarleg leit fór fram í bílunum en þeim var ekið af tveimur Litháum á miðjum aldri sem hafa dvalið hér á landi um nokkur skeið við ýmiss konar verkamannavinnu.

Margskonar varningur fannst í bílunum, m.a. fatnaður, snyrtivörur, mótorhjól í pörtum og mikið magn af lýsispillum. Talið er að varningurinn sé að langstærstum hluta þýfi úr verslunum hér á landi.

Greint er nánar frá málinu í Morgunblaðinu í dag.