Um 220 björgunarsveitamenn leita sænska ferðamannsins við Sólheimajökul. Leitin hefur enn engan árangur borið. Lögð er áhersla á að leita á jöklinum sjálfum en aðstæðurnar eru erfiðar, jökullinn er háll og sprunginn og því hættulegur yfirferðar.
Þá leita átta hundateymi mannsins við rætur jökulsins auk þess sem þyrla Landhelgisgæslunnar er nú á flugi yfir svæðið.
Veður er enn þokkalegt og útlit fyrir að verra veður, sem spáð var um hádegisbil, verði seinna á ferðinni.
Maðurinn sem leitað er að er 25 ára gamall Sví sem búið hefur í Bretlandi um nokkurra ára skeið. Hann var einn á ferð hér á landi.