Heit umræða um ályktun

Miklar umræður hafa skapast á spjallborði ísraelska dagblaðsins Jerusalem Post, sem gefið er út á ensku, um þá ákvörðun Alþingis að viðurkenna fullveldi Palestínu. Flestir sem taka þátt í umræðunni eru verulega andsnúnir ákvörðun Alþingis og margir eru ósparir á stóru orðin. Viðbrögðin eru töluvert önnur á spjallborði Haaretz.

Í frétt Jerusalem Post er m.a. bent á að Ísland hafi verið fyrst til að viðurkenna sjálfstæði Eystrasaltsríkjanna árið 1991. Einnig er vitnað í Össur Skarphéðinsson utanríkisráðherra sem hafi sagt að Ísland sé fyrsta vestræna þjóðin til að viðurkenna fullveldi Palestínu.

Í ályktun Alþingis í dag var samþykkt að fela ríkisstjórninni að viðurkenna Palestínu sem sjálfstætt og fullvalda ríki innan landamæranna frá því fyrir sex daga stríðið árið 1967.

• 2 blogg um fréttina

Bloggað um fréttina

• Viggó Jörgensson: Samþykkja glæparíki - Leyfði þjóðin það?
• Snorri Óskarsson: Er að undrast?