Búast má við allhvössu veðri af norðaustri með skafrenningi og fjúki. mbl.is/Ómar

Vegagerðin hefur sent frá sér aðvörun um flughálku á vegum víða á suðausturströnd landsins og einnig sumstaðar á Austur- og Norðausturlandi og eru vegfarendur beðnir um að sýna sérstaka aðgát.

Hálka og skafrenningur er á  Sandskeiði, Hellisheiði og í Þrengslum. Á Suðurlandi er víða einhver hálka, hálkublettir eða snjóþekja. Hálkublettir og skafrenningur er á Reykjanesbraut og hálkublettir eða hálka er víða á Suðurnesjum og hálka og þæfingur á
Suðurstrandarvegi, skv. yfirliti Vegagerðarinnar.

Á Vesturlandi er hálka og hálkublettir víðast hvar. Snjóþekja og skafrenningur er frá Borgarnesi að Hvalfjarðargöngum. Þæfingsfærð er á Laxárdalsheiði. Hálka og éljagangur er á Holtavörðuheiði. Ófært er á Fróðárheiði.

Á Vestfjörðum er hálka og hálkublettir á flestum leiðum. Hálka, snjóþekja og skafrenningur er á flestum fjallvegum. Þæfingsfærð og skafrenningur er á Kleifaheiði og Klettshálsi. Ófært er á Hrafnseyrar- og Dynjandisheiði.

Á Norðvesturlandi er hálka og skafrenningur í Húnavatnssýslum, eins á Vatnsskarði en snjóþekja og skafrenningur á Þverárfjalli og í Skagafirðinum en snjóþekja, hálka og éljagangur á flestum öðrum leiðum. Þæfingsfærð og skafrenningur er á Siglufjarðarvegi.

Á Norðausturlandi er snjóþekja og skafrenningur á Öxnadalsheiði og hálka og éljagangur í Eyjafirðinum. Snjóþekja og skafrenningur er á Víkurskarði.  Þæfingsfærð og skafrenningur er á Hólasandi. Flughálka er frá Þórshöfn að Hálsum. Hálka og skafrenningur er á Mývatnsöræfum.

Á Austurlandi er hálka og skafrenningur á Fjarðarheiði og Fagradal. Flughált er á Borgarfjarðarvegi og þungfært og skafrenningur á Vatnsskarði eystra. Á öðrum leiðum er hálka eða snjóþekja. Ófært er á Breiðdalsheiði og Öxi.

Á Suðausturlandi er flughálka og hálka á aðalleiðum.Flughálka er nú víða á suðausturströnd landsins og einnig sumstaðar á Austur- og Norðausturlandi samkvæmt upplýsingum Vegagerðarinnar í kvöld og eru vegfarendur beðnir um að sýna sérstaka aðgát.

Hálka og skafrenningur er á Sandskeiði, Hellisheiði og í Þrengslum. Á Suðurlandi er víða einhver hálka, hálkublettir eða snjóþekja. Hálkublettir og skafrenningur er á Reykjanesbraut og hálkublettir eða hálka er víða á Suðurnesjum og hálka og þæfingur á Suðurstrandarvegi, skv. upplýsingum Vegagerðarinnar.

Frystir aftur í kvöld suðvestan- og sunnanlands

Samkvæmt ábendingu veðurfræðings á Veðurstofunni frystir í kvöld suðvestan- og sunnanlands. Þá má búast við allhvössu veðri af norðaustri með skafrenningi og fjúki, einkum þó á fjallvegum. Seint í nótt og í fyrramálið er spáð vaxandi hríð með lélegu skyggni á Norðurlandi og Vestfjörðum.