Innlent | mbl | 20.12.2011 | 21:56

Gott hljóð í kaupmönnum

Jólastemmning á Ingólfstorgi. mbl.is/Golli

„Það er almennt gott hljóð í kaupmönnum, menn eru ánægðir með hvernig tekist hefur að gera miðborgina hlýlega og aðlaðandi, litríka og ljósprúða með þjóðlegum vættum á veggjum,“ segir Jakob Frímann Magnússon, framkvæmdastjóri Miðborgarinnar okkar, um verslunina síðustu dagana fyrir jól.

Jakob Frímann segir að stemningin í miðbænum muni ná hámarki í Jólaþorpinu á Ingólfstorgi á Þorláksmessukvöld, þegar tenórarnir þrír munu hefja upp raust sína, þeir Jóhann Friðgeir Valdimarsson, Gunnar Guðbjörnsson og Snorri Wium, við undirleik Steinunnar Birnu Ragnarsdóttur píanóleikara.

„Til þessa höfum við verið heppnari með veður en oft áður, fólk laðast í bæinn og sumir kaupmenn segjast hafa átt sína bestu tíð í langan tíma. Þetta fer vissulega eftir svæðum, menn eru misvel í sveit settir hvað varðar staðsetningu en almennt er gott hljóð í kaupmönnum,“ segir Jakob en Laugaveginum verður lokað á hádegi á Þorláksmessu, frá Snorrabraut niður að Bankastræti, og þaðan eftir Austurstræti. Tilraun var gerð um síðustu helgi með lokun Laugavegarins og heppnaðist hún vel, að sögn Jakobs.

Verslanir í miðbænum, Smáralind, Kringlunni og fleiri verslunarmiðstöðvum hafa verið opnar til kl 22 frá síðasta fimmtudagskvöldi, eða viku seinna en í desember í fyrra. Jakob segir þetta hafa gefist vel, kvöldopnunin hafi byrjað of snemma í fyrra. Jólaþorpið á Ingólfstorgi hefur verið opið til kl. 20 og stundum lengur.

Tekur veðurspám með fyrirvara

Jakob Frímann kippir sér ekki upp við stormviðvörun og slæma veðurspá annað kvöld.

„Við höfum lært það á þessu ári að taka öllum veðurspám með fyrirvara. Sem betur fer hafa spárnar reynst of myrkar og hvassar og þegar á hefur reynt hefur yfirleitt verið mun hlýrra og bjartara en spámenn sögðu til um. Fyrir ári síðan var kalt í bænum og varla hundi út sigandi, en núna er stillt veður og gott þar sem ég stend í miðborginni,“ segir Jakob Frímann og bætir við: „Þeir sem kjósa að vera hérna þá er þetta líklega yndislegasti tími ársins og sá rómantískasti í Reykjavík.“

Ekki náðist í framkvæmdastjóra Kringlunnar og Smáralindar í kvöld, til að spyrja þá út í jólaverslunina.

Jakob Frímann við opnun Jólaþorpsins ásamt Jóni Gnarr borgarstjóra og fleirum. mbl.is/Golli

Innlent »

Par villtist á leiðinni í Þórsmörk

11:23 Björgunarsveitir á Suðurlandi voru kallaðar út í nótt til þess að leita að pari sem hafði verið á göngu yfir Fimmvörðuháls á leiðinni í Þórsmörk en villst af leið. Fólkið fannst síðan tveimur tímum eftir að leit að því hófst. Meira

65 brautskráðir á Sauðárkróki

10:42 Fjölbrautaskóla Norðurlands vestra var slitið í 33. sinn í gær við hátíðlega athöfn í íþróttahúsinu á Sauðárkróki. Samtals brautskráðust 65 nemendur að þessu sinni en 405 nemendur stunduðu nám við skólann á haustönn og 532 á vorönn. Meira

„Þú ert númer 44 í röðinni“

10:14 Unnið er að viðgerðum á bilun sem varð í morgun á miðlægu netkerfi Símans en truflanir á netsambandi gætu verið til staðar næstu klukkutímana samkvæmt upplýsingum frá fyrirtækinu. Meira

Bilun í netkerfi Símans

09:29 Truflanir hafa verið í morgun á netsambandi í gegnum netkerfi Símans en svo virðist sem þær hafa byrjað rétt fyrir klukkan níu. Samkvæmt upplýsingum frá Símanum er um miðlæga bilun að ræða í netkerfi fyrirtækisins og er unnið að viðgerð. Meira

Vissu ekki hver hefði ekið

08:13 Lögreglunni á höfuðborgarsvæðinu var tilkynnt um bifreið utan vegar á Álftanesi um klukkan hálftvö í nótt. Þegar á staðinn var komið voru þar tveir ölvaðir karlmenn sem reyndust ekki alveg með það á hreinu hvor þeirra hefði verið undir stýri þegar ökuferðin endaði úti í móa. Meira

Vatn flæddi yfir veginn

10:03 Aurskriða féll við veginn um Eyrarhlíð í Skutulsfirði seinnipart dags í gær samkvæmt upplýsingum frá lögreglunni á Ísafirði. Skriðan fór alveg að veginum en ekki yfir hann og olli því engum skemmdum á honum. Meira

Krefjast þess að bankinn endurskoði áform sín

08:26 Lokun Landsbankans á útibúi bankans á Eskifirði er harðlega mótmælt í ályktun stjórnar Íbúasamtaka Eskifjarðar. Er bent á að útibú Landsbankans hafi verið eina bankastofnunin á Eskifirði og að fyrir vikið hafi Eskfirðingar frekar beint viðskiptum sínum til hans en annarra banka. Meira

„Ekkert annað að gera en bretta upp ermar“

Í gær, 23:05 „Nú eru fimm vikur til kosninga og skoðanakannanir sýna áfram sömu myndina í grófum dráttum, þótt fylgið hafi dalað aðeins í nýjustu könnun Fréttablaðsins. Þá er ekkert annað að gera en bretta upp ermar og tvíeflast í starfinu framundan. Munum samt að vera jákvæð og hafa gaman af þessu.“ Meira

Spyr hvenær rétti tíminn sé fyrir mannréttindi

Andrea J. Ólafsdóttir, forsetaframbjóðandi.

Í gær, 22:50 „Mér er spurn, hvenær eru mannréttindi eða mannréttindabrot hluti af okkar lífi ef ekki þegar kallað er á athygli okkar og aðstoð með svo átakanlegum hætti?“ spyr Andrea J. Ólafsdóttir forsetaframbjóðandi á heimasíðu sinni í dag. Meira

Svíar unnu Evróvisjón 2012

Í gær, 22:17 Svíþjóð er sigurvegari Evróvisjón 2012 en sænska framlagið fékk samtals 372 stig og var sigurinn mjög afgerandi. Svíar héldu forystunni nánast allan tímann sem stigagjöfin fór fram. Meira

Íslenska lagið fékk 46 stig

Í gær, 22:33 Ísland fékk samtals 46 stig í Evróvisjónkeppninni í kvöld og endaði í 19. sæti. Flest stig fékk íslenska framlagið, sem flutt var af þeim Jónsa og Gretu Salóme, frá Finnum eða sjö stig en næstmest frá Dönum, Ungverjum og Eistum eða sex stig. Meira

Manni bjargað úr Ölfusá

Í gær, 22:14 Lögreglan á Selfossi kom karlmanni til bjargar um klukkan níu í kvöld eftir að hann hafði fallið í Ölfusá rétt ofan við Selfosskirkju. Að sögn lögreglunnar var hún að svipast um eftir manninum þegar sjúkraliðsmaður kom auga á hann þar sem hann hékk á klettasnös. Meira

Fyrstu stigin frá Slóvenum

Í gær, 22:01 Fyrstu stigin sem Ísland hlýtur í Evróvísjónkeppninni í kvöld komu frá Slóvenum en þeir gáfu íslenska framlaginu fjögur stig. Slóvenía er 19. landið til þess að gefa stig. Meira

Versló brautskráir 311 nemendur

Frá brautskráningu Verzlunarskóla Íslands í dag.

Í gær, 21:14 Verzlunarskóla Íslands var slitið í 107. sinn í dag en 311 nemendur brautskráðust að þessu sinni með stúdentspróf, 182 stúlkur og 129 piltar. Þar af komu 301 nemandi úr dagskólanum og 10 úr fjarnámi. Meira

Stóðu sig vel á sviðinu

Í gær, 19:40 Flutningur íslenska framlagsins í Evróvisjónkeppninni tókst mjög vel á sviðinu í Kristalshöllinni í Bakú, höfuðborg Aserbaídsjan, og var þeim Jónsa og Gretu Salóme fagnað mjög af þeim fjölmörgu áhorfendum sem fylla salinn í höllinni. Meira

Fyrstur karla til að lesa stigin

Í gær, 21:30 Atkvæðagreiðslunni í Evróvosjón er nú lokið og stigagjöfin er nú hafin. Það er Matthías Matthíasson söngvari sem mun mun lesa stigin frá Íslandi en þetta er í fyrsta sinn sem karlmaður gerir það fyrir hönd Íslendinga. Meira

„Mannréttindi varða okkur öll“

Í gær, 20:47 „Góða skemmtun í kvöld kæru Íslendingar. Við gerum okkar allra besta til að skila okkar sem best á sviðinu og því sem við höfum unnið að sleitulaust síðan í febrúar,“ sagði Greta Salóme á facebooksíðu sinni í dag. Meira

Sexfaldur pottur næst

Í gær, 19:29 Enginn hlaut fyrsta vinninginn í Lottói kvöldsins en fjórir hluti annan vinning og fær hver vinningshafi 298.370 krónur í sinn hlut. Tölur kvöldsins voru að þessu sinni 2, 10, 11, 14 og 31 og bónustalan 34. Meira