Ólafur Ragnar Grímsson, forseti Íslands. Kristinn Ingvarsson

„Sú ímynd hefur verið af Íslandi að þangað sé aðeins hægt að fara yfir sumarið,“ sagði Ólafur Ragnar Grímsson, forseti Íslands, í samtali við USA Today, útbreiddasta dagblaðið Bandaríkjanna, og lýsti því hvernig norðurljósin, „sinfónía ljóss“, lýsti upp vetrarhimininn á Íslandi.

Það er blaðakonan Laura Bly sem fjallar öðru sinni um Ísland í hinu útbreidda blaðið eftir Íslandsheimsókn í haust. Hitti hún þá meðal annars ljósmyndarann Ragnar Th. Sigurðsson og ferðaðist með honum um landið. Í fyrri greininni fjallaði Bly um hvalkjötsát Íslendinga og urðu þau ummæli Ólaf Ragnars að hvalveiðar væru réttur Íslendinga tilefni harðrorðrar gagnrýni Árna Finnssonar, formanns Náttúruverndarsamtaka Íslands.

„Stóra eplið“ getur verið kaldara

Forsetinn leggur í samtali við blaðakonuna áherslu á að tilvalið sé að sækja Ísland heim að vetri til. „Það er oft kaldara að vetri til í New York,“ sagði Ólafur Ragnar og lýsir norðurljósunum svo að þar fari „sláandi samspil ljóss og lita sem sé af öðrum heimi“. 

Sem kunnugt er var Einar Benediktsson skáld og athafnamaður sagður hafa reynt að selja norðurljósin. Segja má að slík sala sé nú orðin að veruleika í gegnum ferðaþjónustu. Þannig nefndi einn ferðamaður sem mbl.is tók tali í Austurstræti í dag einmitt að fjölskylda sín hefði viljað sjá norðurljósin á Íslandi.

Grein Bly má nálgast hér.